Qyzylordada oqýshyny jezókshelikke májbúrleý oqıǵasy boıynsha 9 adamǵa sot úkimi shyqty

QYZYLORDA. KAZINFORM — Búgin Qyzylordada 16 jastaǵy qyzdy synyptastary seksýaldy quldyqta ustaǵan oqıǵaǵa qatysty 9 adamǵa sot úkimi shyqty. 

судья
Фото: Мухтор Холдорбеков / Kazinform

Qyzylorda oblysy kámeletke tolmaǵandardyń isteri jónindegi mamandandyrylǵan aýdanaralyq sotynda adamdar tobyna, onyń ishinde kámeletke tolmaǵandarǵa qatysty QR QK 194-baby (iri mólsherde paıda tabý maqsatynda qorqytyp alýshylyq), 110-baby (kórineý kámeletke tolmaǵan adamǵa qatysty azaptaý), 134-baby (kámeletke tolmaǵandy jezókshelikpen aınalysýǵa tartý) boıynsha qylmystyq is qaraldy. 

QR QPK-niń 29-babynyń talaptaryna sáıkes bul is jabyq sot otyrysynda qaraldy.

Jabyq sot otyrysynan keıin sot sýdıasy Sábıt Rústemov BAQ ókilderine sot úkimin tanystyrdy. 

sýdıa Sábıt Rústemov
Foto: Nazerke Sanııazova/Kazinform

— Sottalýshylardyń kinási oqıǵa ornyn, zattar men qujattardy qaraý hattamalarymen, beınejazbalarmen, WhatsApp arqyly hat-habarlarmen, kartochkalyq shottardyń banktik úzindilerimen, saraptama nátıjelerimen, sondaı-aq jábirlenýshiniń jaýabymen dáleldengen, — dedi sýdıa.

Onyń aıtýynsha, prokýror sottalýshylar M.N., A.J., Q.D.-ny kináli dep taýyp, olardy 6 (alty) jyl 8 (segiz) aı merzimge bas bostandyǵynan aıyrýdy,
B.A.-ny 4 (tórt) jyl 6 (alty) aı merzimge bas bostandyǵynan aıyrýdy; T.U., Q.A.-ny 4 (tórt) jyl merzimge bas bostandyǵynan aıyrýdy, T.A., B.A. ı T.D.-ny 8 (segiz) jyl merzimge bas bostandyǵynan aıyrýdy surady.

— Sot jaza taǵaıyndaý kezinde sottalýshylardyń jazasyn jeńildetetin mán-jaılar retinde M.N., A.J., Q.D., B.A.-nyń kámelet jasyna tolmaǵandaryn, sonymen birge sottalýshylar T.U. jáne Q.A.-nyń jasaǵan isterine shyn júrekten ókinetinin kórdi. Aıyptaý aktisine sáıkes sotpen aýyrlatatyn mán-jaılar anyqtaǵan joq. QK-niń 55-babyna sáıkes, jeńildetetin mán-jaılar bar jáne aýyrlatatyn mán-jaılar bolmaǵan kezde, jaza merzimi QK-niń babynda kózdelgen eń joǵary merzimniń 2/3-nen aspaýy tıis. Sot úkimimen kámeletke tolmaǵandar M.N., A.J., Q.D. QK-niń 134-baby 3-bóligi, 1), 2)-tarmaqtary, QK-niń 194-baby 3-tarmaǵy 2)-tarmaqshasy, QK-niń 110-baby 2-tarmaǵy 1)-tarmaqshasy boıynsha kináli dep tanylyp, qylmystyq quqyq buzýshylyqtar jıyntyǵy boıynsha olarǵa 6 jyl 8 aı bas bostandyǵynan aıyrý túrindegi jazalar taǵaıyndaldy. Sottalýshy B.A. QK-niń 194-baby 2-bóligin 2)-tarmaqshasy boıynsha kináli dep tanylyp, oǵan 4 jyl 8 aı bas bostandyǵynan aıyrý jazasy taǵaıyndaldy. Sottalýshylar T.U. jáne Q.A. QK-niń 28-babynyń 5-bóligi, 194-baby, 2-bóligi 1), 2)-tarmaqshasy boıynsha kináli dep tanylyp, olarǵa 4 jyl 8 aı bas bostandyǵynan aıyrý jazasy taǵaıyndaldy. Sottalýshylar T.A., B.A. jáne T.D. QK-niń 134-baby 3-bóligi 1)-tarmaǵy jáne QK-niń 194-baby 2-bóligi 2-tarmaǵy boıynsha kináli dep tanylyp, qylmystyq quqyq buzýshylyqtardyń jıyntyǵy boıynsha olardyń árqaısysyna 7 jyl 6 aı bas bostandyǵynan aıyrý túrindegi jaza taǵaıyndaldy, — dedi sýdıa Sábıt Rústemov.

Úkim zańdy kúshine engen joq. Buǵan deıin biz búgin Qyzylordadaǵy atyshýly iske qatysty sot úkimi shyǵatynyn habarladyq.

Сейчас читают