Qyzylordada naýqas sábı aýrýhanaǵa tikushaqpen jetkizildi

QYZYLORDA. KAZINFORM -  Qyzylorda oblysynda «QazAvıaQutqarý» AQ tikushaǵy arqyly naýqas sábı emdeý mekemesine jetkizildi.

- Búgin sanıtarlyq avıatsııa tapsyrysy boıynsha naýqas sábı Jańaqorǵan aýdanynan Qyzylorda qalasyndaǵy oblystyq balalar aýrýhanasyna «QazAvıaQutqarý» mekemesiniń áýe kóligimen shuǵyl jetkizildi. Ekıpaj quramynda 2 medıtsına qyzmetkeri bar, - delingen Qyzylorda oblystyq Tótenshe jaǵdaılar departametiniń habarlamasynda.

Mamandar sábıge qajetti medıtsınalyq kómek kórsetip jatyr.

Buǵan deıin Qyzylordada 7 jastaǵy qyzdyń aıaǵy jylý batareıasyna qysylyp qalǵanyn jazǵanbyz.

Osy oraıda qutqarýshylar balalarǵa qaýipsizdik erejelerin úıretip, jalǵyz qaldyrmaýǵa keńes beredi.