Qyzylordada monopolıst kompanııaǵa 61,3 mln teńge aıyppul salyndy

QYZYLORDA. KAZINFORM – Tutynýshylardyń ótinishi negizinde «QazaqGaz Aimaq» AQ Qyzylorda fılıalynyń retteletin qyzmet túrlerine jatpaıtyn talapty zańsyz qoıǵany anyqtaldy. Bul týraly UEM Tabıǵı monopolııalardy retteý komıtetiniń Qyzylorda oblysy boıynsha departamenti málimdedi.

Departament ókilderi 2022-2023 jyldar boıynsha jospardan tys tekserý júrgizgen. Tekserý qorytyndysyna qarasaq, «QazaqGaz Aimaq» AQ-nyń Qyzylorda fılıaly tutynýshylardy qosýǵa tehnıkalyq sharttar berý kezinde tabıǵı monopolııalar týraly zańnamada kózdelmegen qosymsha qujattar usynýdy talap etken. Osylaısha qoldanystaǵy zańnamany tikeleı buzǵan. 

- Komıtettiń Qyzylorda oblysy boıynsha departamentiniń is-áreketin, zańbuzýshylyqtardy joıý týraly nusqamalaryn Joǵarǵy sotty qosa alǵanda barlyq satydaǵy sottar rastady.

Mamandandyrylǵan aýdanaralyq sottyń qaýlysymen fılıal tabıǵı monopolııalar týraly zańnamany buzǵany úshin kináli dep tanyldy. Fılıalǵa 61,3 mln teńge kóleminde ákimshilik aıyppul salyndy, - delingen vedomstvo habarlamasynda. 

Monopolıst kompanııa aıyppuldy tolyq kólemde memlekettik bıýdjetke aýdardy.

Buǵan deıin biz QazaqGaz ulttyq kompanııasy 535,5 mlrd tekshe metr gaz qory bar 15 ýchaskeni barlap jatqany týraly jazǵanbyz.