Qyzylordada memleket kómegin negizsiz alatyndar sany qysqardy

QYZYLORDA. KAZINFORM — Qyzylorda oblysynda jyl basynan beri memleket kómegin negizsiz alǵandar sany 33,1%-ǵa tómendedi.

Oblystyq jumyspen qamtýdy úılestirý jáne áleýmettik baǵdarlamalar basqarmasynyń málimetine súıensek, ótken jyldyń osy kezeńinde masyldyq pıǵyldaǵy adamdar sany 27 myńnan joǵary bolǵan. Bıyl bul kórsetkish shamamen 19,5 myńǵa tómendedi. Sonyń arqasynda 370,3 mln teńge bıýdjet qarajaty únemdeldi.

— Negizsiz kómek alýshylardy anyqtaý maqsatynda monıtorıngtik toptar jumys istep jatyr. Ótken jyly olardyń sanyn 30%-ǵa tómendetý belgilendi. Degenmen, jospar 31,5%-ǵa oryndaldy. 2023 jyldyń sońymen salystyrǵanda 49 305 adamnan 33 759 adamǵa azaıdy. Al olarǵa 3,1 mlrd teńge tólengen. Nátıjesinde 1,5 mlrd teńge únemdeldi, — delingen habarlamada. 

Sońǵy úsh jylda osyndaı jumystar nátıjesinde 5,4 mlrd teńge bıýdjette qaldy.

Eske salaıyq, monıtorıng nátıjesinde jyl basynan beri oblystaǵy 43 kásiporynda 515 adam jumystan bosatylǵan.