Qyzylordada mektepte synyptasyn urǵan balanyń anasy aıyppul tóleıtin boldy
QYZYLORDA. KAZINFORM — Qyzylordada mektepte synyptasyn uryp, densaýlyǵyna orta zııan keltirgen oqýshynyń ata-anasy aıyppul tóleıtin boldy.
Oblystyq kámeletke tolmaǵandardyń isteri jónindegi mamandandyrylǵan aýdanaralyq sotynda QR Ákimshilik quqyq buzýshylyq týraly kodeksiniń 127-baby 3-bóligimen azamatshaǵa qatysty is qaraldy.
— Onyń balasy sabaq bitken soń kámeletke tolmaǵan oqýshyny ájethana ishinde judyryǵymen bet tusynan urǵan. Saldarynan oǵan densaýlyǵyna orta zııan keltirilgeni anyqtalǵan. Azamatsha ákimshilik quqyq buzýshylyq týraly hattamamen kelisetinin, balasynyń áreketine ókinetinin bildirdi. Sottan jeńil jaza qoldanýdy surady. Sot qaýlysyna saı ol QR Ákimshilik quqyq buzýshylyq týraly kodeksiniń 127-babynyń 3-bóligimen kináli dep tanyldy. Oǵan 55 myń teńge kóleminde aıyppul salyndy, — dep málim etti oblystyq kámeletke tolmaǵandardyń isteri jónindegi mamandandyrylǵan aýdanaralyq soty.
Eske salsaq, budan buryn Qyzylordalyq polıtseıler turǵyn úıden 6 mln teńgeni urlap ketken kúdiktini ustady.