Qyzylordada Medıtsınalyq jáne farmatsevtıkalyq baqylaý komıteti departamentiniń basshysy aýysty
QYZYLORDA. KAZINFORM — Medıtsınalyq jáne farmatsevtıkalyq baqylaý komıteti Qyzylorda oblysy boıynsha departamentiniń basshysy laýazymyna Lázzat Aıtymbetova taǵaıyndaldy. Bul týraly oblys ákiminiń baspasóz qyzmeti habarlady.
Ol 1974 jyly Qarmaqshy aýdanynda dúnıege kelgen.
Shymkent memlekettik farmatsevtıkalyq ınstıtýtynda provızor, Ortalyq Azııa ýnıversıtetinde qarjy jáne nesıe mamandyqtary boıynsha bilim alǵan. Eńbek jolyn 1996 jyly Qyzylorda qalalyq perzenthanasynda dárihana provızory retinde bastaǵan.
Ár jyldary Medıtsınalyq jáne farmatsevtıkalyq baqylaý komıteti Qyzylorda oblysy boıynsha departamentinde, oblystyq densaýlyq saqtaý basqarmasynda, Áleýmettik medıtsınalyq saqtandyrý qorynda jaýapty qyzmetter atqarǵan.
2024 jyldan osy kúnge deıin DSM Medıtsınalyq jáne farmatsevtıkalyq baqylaý komıtetinde basshylyq laýazymdarda eńbek etti.
Osyǵan deıin atalǵan departament basshysy bolǵan Ǵalııa Baımenova zeınet jasyna jetip, qurmetti eńbek demalysyna shyqty.
Buǵan deıin Qyzylorda oblystyq din isteri basqarmasynyń basshysy laýazymyna Mıra Qazbekova taǵaıyndaldy.