Qyzylordada mal urlyǵymen aınalysqan 5 qylmystyq top quryqtaldy
QYZYLORDA. KAZINFORM – 2024-2026 jyldar aralyǵynda Qyzylorda oblysynda urlyqqa qarsy is-qımyl baǵdarlamasy júzege asty. Oblystyq polıtsııa departamentinen habarlaǵandaı, baǵdarlama aıasyndaǵy profılaktıkalyq sharalar nátıjesinde urlyq 50,5% azaıdy. Al onyń ashylý kórsetkishi 9,6% joǵarylady.
- Jedel-izdestirý sharalary barysynda mal urlyǵymen aınalysqan 5 qylmystyq toptyń áreketi áshkerelendi. Bul toptardyń 25 maldyń urlyǵyna qatysy bary anyqtaldy. 75 ury quryqtaldy, - dedi departament bastyǵynyń birinshi orynbasary Serik Toqtybaev.
Belgilenbegen oryndarda qaraýsyz júrgen mal ıelerine qatysty 851 ákimshilik shara qoldanyldy.
- Veterınarııa qyzmetkerlerimen birlesip jalpy 364 ákimshilik quqyqbuzýshylyq anyqtaldy. Onyń 279-y mal nemese et ónimin zańsyz tasymaldaýmen aınalysqan, - dedi Serik Toqtybaev.
QR Іshki ister mınıstrligi buǵan deıin elimizdegi qaı óńirlerde mal urlyǵy kóp kezdesetinin málim etti.