Qyzylordada kúıip qalǵan balalar tikushaqpen Almatyǵa jetkizildi

ALMATY. KAZINFORM — Almatyǵa sanavıatsııa bortymen kúıip qalǵan eki bala jetkizildi. Bul týraly QR Densaýlyq saqtaý mınıstri Aqmaral Álnazarova óziniń áleýmettik jelidegi paraqshasynda jazdy.

— 31 shildede Qyzylorda oblysynda denesiniń 75%-ǵa jýyǵyn kúıik shalǵan asa aýyr jaǵdaıdaǵy eki bala shuǵyl túrde Almaty qalasynyń balalar jáne shuǵyl medıtsınalyq kómek ortalyǵyna jetkizildi. Patsıentterdiń jaǵdaıy aýyr, barlyq qajetti emdeý sharalary júrgizilip jatyr, — dep jazdy mınıstr.

Eske salaıyq, Qyzylordada turǵyn úıde jarylǵan gaz saldarynan tórt jasóspirim zardap shekken bolatyn.

Oqıǵa Qyzylorda qalasynyń Ál-Farabı shaǵynaýdanynda jer úıde bolǵan.

Gaz aýa qospasynyń jylystaýy saldarynan órt shyqpaı-aq úı qırap qaldy.