Qyzylordada qutqarýshylar aıaǵyna aıyr kirip ketken 7 jasar balany qutqardy
QYZYLORDA. KAZINFORM - Qyzylorda qalasynda qutqarýshylar aıaǵyna aıyr kirip ketken 7 jasar balany qutqardy.
Oqıǵa qala mańyndaǵy J.Mahambetov aýylynda boldy.
«Shaqyrtý ornyna jedel jetken qutqarýshylar balanyń aıaǵyna kirip ketken aıyrdy arnaıy slesarlyq quraldardyń kómegimen kesti. Balany jádel járdem qyzmetine tapsyrdy», - dep málim etti
Qyzylorda oblysy Tótenshe jaǵdaılar departamenti Jedel qutqarý jasaǵynan. Sondaı-aq Qyzylorda oblysynda bıyl balalardyń sýǵa ketýi alańdatyp otyr.
Qyzylorda oblysynda bıyl sý aıdyndarynda ártúrli jaǵdaılar men oqys oqıǵalar saldarynan 21 adam kóz jumdy.
Ótken jyldyń segiz aıynda oblysta 29 adam sýǵa ketip qaza bolǵan edi. Onyń ishinde 8-i bala. Byltyrǵy jylmen salystyrǵanda jalpy adam qazasy 27% tómendep tur. Degenmen bıyl 11 balanyń sýǵa ketýi alańdatady.
