Qyzylordada kúrish zaýytynda shyqqan órtten 240 tonna ónimge zaqym keldi
Qyzylorda oblysynda kúrish óńdeý zaýytynyń ǵımaraty janyp, 240 tonna ónimge zaqym keldi, dep habarlaıdy Kazinform.
Búgin, 8 qańtarda 14.01 mınýtta tótenshe jaǵdaılar qyzmetine Qarmaqshy aýdanyna qarasty Dúr Ońǵar aýylyndaǵy «Jańajol» JShS kúrish óńdeý zaýytynyń ǵımaraty janyp jatqany jóninde habarlama tústi.
«Órtti sóndirýge Qarmaqshy aýdany №10 órt sóndirý bóliminen 2 órt sóndirý tehnıkasy jáne 15 qyzmetker jumyldyryldy. Sondaı-aq, oǵan órtti sóndirýge erikti órtke qarsy qyzmetinen 20 qyzmetker men 3 tehnıka kúsh-quraly retinde jumyldyryldy», - dep málim etti Qyzylorda oblysy Tótenshe jaǵdaılar departamenti Órt sóndirý jáne avarııalyq-qutqarý jumystary qyzmetinen.
Vedomstvo málimetinshe, seriktestikke qarasty kúrish aqtaý zaýyty (dıirmen) ǵımaratynyń shatyr asty aǵashtarynyń janýy anyqtalǵan. Onyń jalpy kólemi - 234 sharshy metr.
«Órt saldarynan zaýytta jınaqtalǵan 240 tonnaǵa jýyq kúrishke zaqym kelgen.
Órt saǵat 15.14-te oqshaýlanyp, 15.30-da tolyq joıyldy. Qaza bolǵandar jáne zardap shekkender joq.
Órttiń boljamdy shyǵý sebebi -elektr symdarynyń qysqa tuıyqtalýy. Qazirgi tańda oqıǵa ornynda Tótenshe jaǵdaılar departamenti Órt zerthanasy jáne anyqtaý bóliminiń mamandary órttiń naqty shyǵý sebebi men shyǵynyn esepteýde», - dep tolyqtyrdy mamandar.
Eske salsaq, budan buryn Qyzylordada polıtsııa qyzmetkeri kópirden sekirmekshi bolǵan áıeldi qutqaryp qaldy.
