Qyzylordada kúrish ýaqytynan kesh pisip jatyr

QYZYLORDA. KAZINFORM — Bıyl Qyzylorda oblysynda vegetatsııalyq kezeń kúrdeli jaǵdaıda ótip jatyr. Eginge qajetti sý kólemine suranys shegine jetti. 

Қызылордада күріш уақытынан кеш пісіп жатыр
Фото: Қызылорда облыстық ауыл шаруашылығы және жер қатынастары басқармасы

Oblystyq aýyl sharýashylyǵy jáne jer qatynastary basqarmasynyń málimetinshe, osy jyly óńirde 189,6 myń gektarǵa aýyl sharýashylyǵy daqyly egildi. Onyń 80,9 myń gektary — kúrish.

— Egindi turaqty sýarý úshin belgilengen sý lımıti — 3,9 mlrd tekshe metr. Memleketaralyq sý sharýashylyǵyn úılestirý komıssııasynyń otyrysynda 2025 jyldyń vegetatsııalyq kezeńinde Shardara sý qoımasyna 3,7 mlrd tekshe metr, onyń ishinde 1 sáýir-10 tamyz aralyǵynda 3 mlrd tekshe metr sý túsedi dep boljanǵan. Biraq jospardan 1 mlrd tekshe metr kem sý tústi, — delingen habarlamada.

3,3 mlrd tekshe metr sý oblysqa kanaldar arqyly alyndy. Oblys ákiminiń tapsyrmasyna sáıkes barlyq aýdanda qurylǵan jumysshy toptar jaǵdaıdy baqylaýǵa alyp, keńinen túsindirme jumysyn júrgizip keledi.

— Josparlanǵan sý kúrishke ýaqytyly berilmedi. Soǵan baılanysty kúrishtiń pisý ýaqyty kesheýildep jatyr. Búgingi kúni basty daqyldyń 20%-nyń ǵana sýy baılandy. Dıqandar odan basqa erte egilgen aýyl sharýashylyǵy daqyldaryn jınaýǵa kiristi, — delingen habarlamada.

Aıta keteıik, bıyl Qyzylorda oblysynda kúrish kólemi ótken jylmen salystyrǵanda 4,7 myń gektarǵa qysqardy.

Сейчас читают