Qyzylordada kúrish kólemi taǵy qysqara ma

QYZYLORDA. KAZINFORM — Sý tapshylyǵynyń qatty sezilýinen sýarmaly sýdy tıimdi paıdalaný maqsatynda Qyzylorda oblysynda birqatar jumys atqarylyp jatyr. 

Oblystyq aýyl sharýashylyǵy jáne jer qatynastary basqarmasynyń málimetine sensek, Úkimettiń Jol kartasyna sáıkes kelesi jyly kúrish egistiginiń kólemin 77,7 myń gektarǵa qysqartý josparlanyp otyr.

— Onyń ornyna sýdy az qajet etetin júgeri, soıa jáne maıly daqyldar egiledi. Sondaı-aq sý únemdeý tehnologııalaryn qoldaný aıasy keńeıedi. Bul rette egistik jerdi lazerlik tegisteý jumystary tıimdiligin kórsetti. Bıyl dıqandar kúrishtiń 60 myń gektaryn lazerlik tegisteýden ótkizdi. Osylaısha sýdy 20% únemdeý, ónimdilikti arttyrý múmkin boldy, — dedi basqarma basshysy Talǵat Dúısebaev. 

2026 jyly bul kórsetkishti 65 myń gektarǵa jetkizip, 2028 jylǵa deıin egisti tolyǵymen tegisteý kózdelgen.

— Bıyl 8,1 myń gektar egis tamshylatý, jańbyrlatý ádisimen sýaryldy. Bul ótken jylmen salystyrǵanda 2 ese artyq, — dedi basqarma basshysy.

Osyǵan deıin biz óńirde óndirilgen 60 435,9 tonna kúrishti kúrishti shet elder satyp alǵanyn jazǵan edik.