20:59, 08 Shilde 2024 | GMT +6
Qyzylordada qurylys zattary dúkeninen órt shyǵyp, ondaǵy taýarlar túgel janyp ketti
QYZYLORDA. KAZINFORM - Qyzylorda qalasynda qurylys zattary dúkeninen órt shyǵyp, dúkenniń shatyry men taýarlar tolyq jandy, dep habarlaıdy Qyzylorda oblystyq Tótenshe jaǵdaılar departamentiniń baspasóz qyzmeti.
Búgin, 8 shildede saǵat 11.49-de Qyzylorda qalasy Ábilhaıyr han kóshesinde ornalasqan «Ideal» qurlys zattary dúkeni janyp jatqany jóninde habar túsken.
«Oqıǵa ornyna barǵan órt sóndirýshiler dúkenniń qurylys zattary men shatyry tolyq janǵanyn anyqtady. Órt saǵat 12.30-da tolyq sóndirildi. Qaza bolǵandar men zardap shekkender joq. Órtti óshirýge 7 tehnıka jáne 30 qyzmetker jumyldyryldy», - dep málim etti Qyzylorda oblystyq Tótenshe jaǵdaılar departamentinen.
Eske salsaq, budan buryn Qyzylordada qalalyq ortalyq emhanadan órt shyqty.
