Qyzylordada quny 86 mln teńge jer ýchaskesi memleket menshigine qaıtaryldy
ASTANA. KAZINFORM — Qazaly aýdanynda jer ýchaskelerin nysanaly maqsatyna sáıkes paıdalanbaý jáne olardy óz betinshe ıelený faktileri anyqtaldy.
Qazaly aýdanynyń prokýratýrasy jer zańnamasy talaptarynyń saqtalýyna taldaý júrgizdi.
— Anyqtalǵan buzýshylyqtardy joıý maqsatynda prokýratýramen qadaǵalaý aktileri engizilip, olardy qaraý nátıjelerimen memleket kirisine jalpy quny 86 mln teńgeni quraıtyn jalpy aýmaǵy 10 myń gektar jer ýchaskeleri qaıtaryldy. Jer ýchaskelerin zańsyz ıelengen tulǵalar Ákimshilik quqyqbuzýshylyq týraly kodekstiń 136-babyna sáıkes ýákiletti organmen ákimshilik jaýaptylyqqa tartyldy, — delingen vedomstvo habarlamasynda.
Prokýratýranyń baspasóz qyzmeti málim etkendeı, osy tektes faktilerdiń jolyn kesý zańdylyqty qalpyna keltirýge, memlekettik múddelerdi qorǵaýǵa jáne óńirdiń jer resýrstaryn tıimdi paıdalanýyn qamtamasyz etýge yqpal etedi.
Osydan buryn Almatyda Gorkıı saıabaǵyndaǵy 5 gektar jer memleket menshigine qaıtarylatynyn jazǵan edik.
