Qyzylordada quny 1,7 mlrd teńge bolatyn 4 memlekettik satyp alý konkýrsynyń kúshi joıyldy

Qyzylorda qalasynyń prokýratýrasy memlekettik satyp alý salasynda zańdylyqtyń saqtalýyna taldaý júrgizdi. Nátıjesinde buryn-sońdy ortasha jóndeý júrgizilgen kóshelerge qarajat bólingeni belgili boldy, dep habarlaıdy Kazinform. 

Qalalyq prokýratýranyń aralasýynan keıin memlekettik satyp alýdyń kúshi joıylyp, 1,7 mlrd teńge bıýdjet qarajatynyń negizsiz jumsalýyna jol berilmedi.

Atap aıtqanda, 2020 jyly Qyzylorda qalasy Qyzyljarma aýyldyq okrýgi, Batyrbaev kóshesine 49 mln teńgege ortasha jóndeý jumystary júrgizilgen.

«Avtomobıl joldarynyń qurylymdyq elementteriniń, onyń ishinde salý, rekonstrýktsııalaý, kúrdeli, ortasha jáne aǵymdaǵy jóndeýden keıingi jol jaǵdaıynyń jóndeýaralyq merzimderin belgileý jónindegi usynymdar týraly» buıryqtyń 4.1. tarmaǵyna sáıkes avtokólik joldaryna kúrdeli jóndeýaralyq merzimi 6-9 jyl (Investıtsııalar jáne damý mınıstrligi Avtomobıl joldary komıteti tóraǵasynyń 21.12.2018j. №131). Atalǵan talaptarǵa qaramastan, Qyzyljarma aýyldyq okrýginiń ákimdigimen osy jyly Batyrbaev kóshesine kúrdeli jóndeý jumystaryn júrgizýge qarajat bólip, 653,9 mln teńgege memlekettik satyp alý jarııalaǵan. Osyǵan uqsas zań buzýshylyqtar Ábenov, Doshojın jáne Seksenbaev kóshelerine kúrdeli jóndeýge 1 mlrd teńge qarajat bólý kezinde anyqtaldy», - dedi Qyzylorda oblysy prokýratýrasynyń baspasóz qyzmetinen. 

Qabyldanǵan sharalardyń nátıjesinde jalpy somasy 1,7 mlrd teńge bolatyn 4 satyp alý konkýrsynyń kúshi joıyldy.