Qyzylordada quny 1,5 mln teńgeden astam kontrafaktilik ónim tárkilendi
QYZYLORDA. KAZINFORM — Bıyl 9 aıda Qyzylorda oblysynyń ádilet departamentine zııatkerlik menshik salasy boıynsha 4 jospardan tys tekserý júrgizildi.
Barlyǵy taýar tańbasynyń buzylýyna qatysty.
— Tekserý nátıjesinde anyqtalǵan quqyqbuzýshylyqtar boıynsha Ákimshilik quqyq buzýshylyq týraly kodekstiń 158-babymen 4 ákimshilik is qozǵaldy. Sot sheshimine sáıkes 4 tulǵa ákimshilik jaýapkershilikke tartylyp, olarǵa 441 myń teńgeden astam aıyppul salyndy, — dedi departament basshysy Baýken Álmesh.
Zańsyz aınalymnan barlyǵy 1,5 mln teńgeden astam somanyń kontrafaktilik ónimderi tárkilendi. Osyndaı jumystyń nátıjesinde «Apple», «Gorilla», «Greenlife», «Zelensky Rosen» sekildi taýar tańbalary ıeleriniń quqyǵy qorǵaldy.
Aıta keteıik, Shymkentte kontrafaktilik qurylys qospalaryn shyǵaratyn astyrtyn tsehtyń jumysy toqtatyldy.
