Qyzylordada quldyqta boldym degen azamat oqıǵanyń naqty barysyn aıtyp berdi
QYZYLORDA. KAZINFORM — Oqıǵa Qyzylorda oblysyna qarasty Qazaly aýdanynda bolǵan.
Budan buryn otbasymen quldyqta bolǵanyn aıtqan Qojageldi Jalǵasbaev áleýmettik jelide jarııalanǵan beınejazbada oqıǵanyń bir-birin túsinbeýshilikten týyndaǵanyn jetkizdi.
— Men Qazaqstanǵa 2004 jyly keldim. Kelgennen keıin mal baqtym. Biz aǵaıyn adambyz. Aramyzda túsinbeýshilik boldy. Men quldyqta bolǵan joqpyn. Ashýǵa berilgenimdi moıyndaımyn. Maǵan úı alyp beretinin aıtty. Aldyńa mal salyp beremin dedi. Eshkimge renishim joq, — dedi Qojageldi Jalǵasbaev.
Bul jóninde Qyzylorda oblystyq polıtsııa departamenti tómendegishe túsinikteme berdi.
— Atalǵan derek boıynsha Qazaly aýdandyq polıtsııa bóliminde QR Qylmystyq kodeksiniń 126-babynyń 1-bóligimen qylmystyq is tirkeldi. Bul boıynsha tergep-tekserý júrgizilýde. QR Qylmystyq-protsestik kodeksiniń 201-babynyń talabyna sáıkes, qylmystyq is júrgizý barysy tergeý qupııalylyǵyna baılanysty jarııalanbaıtynyn habarlaımyz, — dep málim etti departamentten.
Eske salsaq, budan buryn Qyzylordada oqýshy ólimine kúdikti 17 jastaǵy jasóspirim ustalǵanyn jazǵan edik.