Qyzylordada quqyqbuzýshylyqty ashýǵa drondar qoldanyla bastady
QYZYLORDA. KAZINFORM – Qyzylorda oblysynyń quqyq qorǵaý júıesi kezeń-kezeńimen tsıfrlandyrylyp jatyr.
Oblystyq Polıtsııa departamenti quqyqbuzýshylyqtyń der kezinde aldyn alý úshin ushqyshsyz tehnologııalardy belsendi túrde paıdalana bastady. Búginde Qyzylordada 5 dron qoldanysta, olardyń kómegimen jyl basynan beri 23 ákimshilik hattama rásimdeldi.
- Drondar buqaralyq is-sharalardy baqylaýǵa, jedel jaǵdaıǵa monıtorıng júrgizýge jáne quqyqbuzýshylyqtardy naqty ýaqyt rejıminde anyqtaýǵa múmkindik beredi. Strategııalyq nysandardy kúzetý úshin, mekemege zańsyz kirý faktilerin tirkeý maqsatynda da paıdalanylady. Drondardyń kómegimen qoqysty zańsyz tógý, aǵashty zańsyz kesý, qaldyq tógý jáne brakonerlik faktileri tirkeledi. Ushqyshsyz tehnologııalar izdestirý-qutqarý is-sharalary kezinde de asa qajet, - delingen habarlamada.
Zamanaýı tehnologııa kómegimen anyqtalǵan quqyqbuzýshylyqtar arasynda jol qozǵalysy qaǵıdalaryn buzý, jaıaý júrginshilerdiń belgilenbegen jerden joldy kesip ótýi sııaqty derekter bar. Osy oraıda tártip saqshylary jaıaý júrginshilerdi joldyń tek belgilengen bóliginen ótýge shaqyrdy.
Almaty oblysynda da patrýldik polıtsııa qyzmetkerleri ushqyshsyz ushý apparattaryn, ıaǵnı drondardy qoldanyp júr.