Qyzylordada kóshi-qon zańnamasyn buzýdyń 100-den astam deregi tirkeldi
QYZYLORDA. KAZINFORM — 9-12 qyrkúıek aralyǵynda Qyzylorda oblysynda «Mıgrant» jedel-profılaktıkalyq is-sharasy ótti.
Maqsat — zańsyz kóshi-qonnyń aldyn alý jáne jolyn kesý, sondaı-aq shetel azamattarynyń kóshi-qon zańnamasyn buzý derekterin anyqtaý.
Oblystyq polıtsııa departamenti is-shara barysynda 108 quqyq buzýdy anyqtady.
— Shet el azamattary tarapynan 57 quqyq buzý tirkelip, onyń 19-y Qazaqstan Respýblıkasynyń aýmaǵynan shyǵaryldy. Sheteldikterdiń el aýmaǵynda bolý qaǵıdalarynyń saqtalýyn qamtamasyz etpegeni úshin Qazaqstan Respýblıkasynyń 51 azamaty ákimshilik jaýapkershilikke tartyldy, — delingen departament habarlamasynda.
Tártip saqshylary shet memleketterden jumys isteý maqsatynda kelgen shetel azamattaryn Qazaqstan Respýblıkasynyń aýmaǵynda bolýdyń zańnamada belgilengen merzimderin saqtap, qajet qujattaryn ýaqtyly zańdastyrýǵa jáne kóshi-qon zańnamasynyń talaptaryn qatań saqtaýǵa shaqyrady. Zań talaptaryn buzǵan jaǵdaıda ákimshilik sharalar qoldanylatynyn eskertedi.
Buǵan deıin Almatyda bir top sheteldik azamat deportatsııalandy.
