11:23, 24 Aqpan 2025 | GMT +5
Qyzylordada kóshi-qon qyzmetimen zańsyz aınalysqandar ustaldy
ASTANA. KAZINFORM – UQK Qyzylorda oblysy jáne Baıqońyr qalasy boıynsha departamenti prokýratýra organdarynyń úılestirýimen zańsyz kóshi-qondy uıymdastyrýǵa kúdikti bir top adamnyń áreketiniń jolyn kesti.
Aldyn ala derekter boıynsha, olar jaqyn shetel azamattaryna Qazaqstanda ýaqytsha turýǵa 80-nen astam zańsyz ruqsat resimdegen.
Tintý barysynda zattaı dáleldemeler tárkilengen.
QR Ulttyq qaýipsizdik qyzmetiniń málimetinshe, qylmystyq kodekstiń 251-babynyń 1-bóligi, 394-babynyń 2-bóligi jáne 366-babynyń 1-bóligi boıynsha sotqa deıingi tergep-tekserý júrgizilip jatyr.
Qylmystyq-protsestik kodekstiń 201-babynyń 1-bóligine sáıkes ózge aqparat jarııa etýge jatpaıdy.
Jetisý oblysynda kóshi-qon zańyn buzý faktileri jıilegenin jazǵan bolatynbyz.