Qyzylordada kópshilik 7 jaǵajaıda ǵana jappaı sýǵa túse alady

QYZYLORDA.KAZINFORM - Qyzylorda oblysynda sý obektileri men sý sharýashylyǵy nysandarynda jappaı demalýǵa arnalǵan 7 oryn belgilendi.

Oblystyq tótenshe jaǵdaılar departamenti 7 kommýnaldyq jaǵajaıdyń tizimin jarııalady. Olar — Aral aýdanyndaǵy «Aqqumshyq», Qazaly aýdanyndaǵy «Qashqansý», Qarmaqshydaǵy «Muratbaev», Syrdarııadaǵy «Qalǵandarııa», Shıeli aýdanyndaǵy «Báıgequm» jáne Qyzylorda qalasyndaǵy «Syr tolqyny», «Syr Samaly» jaǵajaılary. 

Oblystyq tótenshe jaǵdaılar polıtsııa departamentteri, jergilikti atqarýshy organ qyzmetkerleri, eriktiler birlesip halyq arasynda túsindirme jumysyn júrgizip keledi.

Mamandar jyl basynan beri 20 myńnan astam turǵynǵa sýdaǵy qaýipsizdik erejelerin túsindirgen. 

- Sý aıdyndarynda qaýipsizdik qaǵıdalaryn buzǵan 5 ata-ana ákimshilik jazaǵa tartylyp , 70 myń teńgege jýyq aıyppul tóledi. Balyq sharýashylyǵy ınspektsııasynyń mamandary zańsyz balyq aýlaýdyń 81 deregin tirkep, balyq aýlaýshylarǵa 1,5 mln teńgeden astam aıyppul saldy, - delingen habarlamada. 

Aıta keteıik, óńirde Syrdarııa ózeninen bólek 200-ge jýyq kól bar. Sýǵa túsýge qaýipti 63 ýchaske belgilengen. 

Buǵan deıin biz Astana qalasynyń aýmaǵynda shomylýǵa ruqsat etilgen 4 oryn baryn jazǵanbyz.