Qyzylordadaǵy kópir ústinde júk kóliginiń tirkemesi eki jeńil kólikke soǵyldy

Qyzylorda qalasynda qatty jeldiń saldarynan darııa ústindegi kópirden ótip bara jatqan burandasy synǵan júk kóliginiń tirkemesi baǵytyn ózgertken. Saldarynan qarama-qarsy joldaǵy kele jatqan eki jeńil kólikke soǵyldy, dep habarlaıdy Kazinform. 

Oqıǵa, búgin 14 jeltoqsanda saǵat 13:20 shamasynda Sultan Beıbarys kóshesiniń boıynda ornalasqan Syrdarııa ózeni kópiriniń ústinde boldy. 

«Aýa raıynyń ózgerýi jáne qatty jel saldarynan kópir ústinde ótip bara jatqan «KaMAZ» júk kóliginiń artqy tirkeme burandysy synyp ketken. Saldarynan tirkeme baǵytyn ózgertip, joldyń qarama qarsy baǵytynda kele jatqan «Toyota Camry» jáne «Mercedes-Benz» jeńil kólikterine soǵylyp, materıaldyq shyǵyn keltirgen. Jol-kólik oqıǵasy saldarynan adam shyǵyny bolǵan joq», - dep málim etti Qyzylorda oblystyq polıtsııa departamentinen.

Posmotret etý pýblıkatsııý v Instagram

Pýblıkatsııa ot Kyzylorda / Kyzylorda (@kyzylordakritika)

Eske salsaq, budan buryn Qyzylorda oblysynda jol boıynda qalyp qoıǵan 100-den astam kólik qutqaryldy.