Qyzylordada kópqabatty úıdiń balkonynan er adam sekirip ketti

QYZYLORDA. KAZINFORM - Oqıǵa 20 qańtarda qalanyń ortalyǵyndaǵy A.Toqmaǵanbetov kóshesindegi bes qabatty úıde bolǵan. Besinshi qabattan er adam sekirip ketken.

- Er adam óz-ózine qol jumsamaq bolǵan. Qazir ol qalalyq aýrýhanada em alyp jatyr. Qylmystyq is tirkeldi. Sebebi men mán-jaıy anyqtalýda, - dep málim etti Qyzylorda oblystyq Polıtsııa departamentinen.

Eske salsaq, budan buryn qyzylordalyq polıtseıler er adamdy sýıtsıdten qutqardy.

Patrýldik polıtsııa qyzmetkerleri Aıdarhan Kenjebekuly jáne Shyńǵys Jalǵasbaı oqıǵa ornyna barǵanda úı aýlasynda er adamnyń aǵash baspaldaqqa asylyp turǵanyn kóredi.

Dereý er adamdy qutqarýǵa áreket jasaldy. Osylaısha ony ólimnen arashalap qaldy.