Qyzylordada kómir qanshadan satylyp jatyr
QYZYLORDA. KAZINFORM — Qyzylorda oblysynda 2026-2027 jylǵy jylý berý maýsymyna qajet kómir qorynyń 28%-y jınaqtalǵan.
Oblystyq energetıka jáne turǵyn úı-kommýnaldyq sharýashylyq basqarmasynyń málimetinshe, qoımalardaǵy qatty otyn kólemi 29,7 myń tonnaǵa jetti. Al óńirdiń qysqa arnalǵan jalpy qajettiligi — 107 myń tonna.
— Qysqy daıyndyq kezinde kómir qoryn ýaqytyly tolyqtyrý men turǵyndardy qatty otynmen úzdiksiz qamtamasyz etý mańyzdy. Ásirese, kómirmen jylytylatyn úıler úshin onyń jetkiliktiligi men baǵasy ózekti másele bolyp sanalady. Jylý maýsymynda turǵyndarǵa 88 myń tonna, áleýmettik nysandarǵa 19 myń tonna kómir qajet. Qazir óńirde kómir satatyn 20 operator jumys isteıdi. Onyń 6-y — jaýapkershiligi shekteýli seriktestik, 14-i — jeke kásipker, — delingen habarlamada.
Kómir markasy men jetkizý qashyqtyǵyna qaraı tonnasy 22 myń men 28,5 myń teńge aralyǵynda satylyp jatyr.
Departament turǵyndar men áleýmettik nysandardy kómirmen qamtamasyz etý oblys ákimdiginiń turaqty baqylaýynda ekenin málimdedi.
Buǵan deıin jazǵanymyzdaı, elimizde 2026 jyldyń 9 aıynda temirjol kóligimen kómir tasymaldaý kólemi 77,8 mln tonna boldy.
