Qyzylordada kólik jyldamdyǵyn avtomatty túrde tirkeıtin 10 keshen iske qosylady

QYZYLORDA. KAZINFORM – Qyzylorda oblystyq polıtsııa departamenti oblys ortalyǵynda jol qozǵalysy qaýipsizdigin arttyrý maqsatynda Sunqar avtomattandyrylǵan baqylaý keshenderi iske qosylatynyn málimdedi.  

Vedomstvonyń málimetine súıensek, erteń, ıaǵnı 9 qańtardan bastap qala aýmaǵynda 10 keshen iske qosylady. Ol jyldamdyqty asyrý jáne jaıaý júrginshilerge jol bermeý faktilerin avtomatty túrde tirkeıdi.

Departament keshen ortalylǵan oryndar tizimin usyndy.

Olar: 

1. Qorqyt ata kóshesi, «Arsenal» SOO mańy

2. Jappasbaı kóshesi, 175 B úı mańy

3. S.Beıbarys kóshesi, oblys ákimdigi mańy

4. Nurorda shaǵyn aýdany, Tekeı batyr kóshesi, 54-úı

5. Astana dańǵyly – B. Júsipov kóshesi.

6. Ǵ.Muratbaev kóshesi, 15-úı

7. Táýelsizdik dańǵyly, Bella Vista qonaqúıi

8. Salamatov – Qydyrov kósheleri

9. A.Baıtursynuly kóshesi, №3 lıtseı

10. Abaı dańǵyly – Altynsarın kóshesi.

Polıtsııa júrgizýshilerdi jol erejelerin saqtaýǵa, jyldamdyqty asyrmaýǵa jáne jaıaý júrginshilerge jol berýge shaqyrdy.

Aıta keteıik, byltyr Qyzylordada kólik jyldamdyǵyn baqylaıtyn «kózge kórinbeıtin» kameralar paıda bolǵan edi.