Qyzylordada kóktaıǵaq saldarynan bastaýysh synyp oqýshylary qashyqtan oqıdy

QYZYLORDA. KAZINFORM - Qyzylorda qalasynda kóktaıǵaq bolýyna baılanysty 6 jeltoqsanda 0-4 synyp oqýshylary qashyqtan oqytylady.

Sońǵy táýlikte oblys ortalyǵynda qolaısyz aýa raıy qalyptasyp otyr.

- Osyǵan baılanysty balalardyń qaýipsizdigin qamtamasyz etýge nazar aýdaryldy. Atalǵan maqsatta jalpy bilim beretin bilim berý uıymdaryndaǵy 0-4 synyp oqýshylary 6 jeltoqsanda qashyqtan oqytylady. Qaladaǵy 58 mektep pen jeke mektepterdiń bastaýysh synyptary sabaqty qashyqtan oqıtyn bolady, -dep málim etti Qyzylorda qalalyq bilim bóliminen.

Aıta ketsek, 5 jeltoqsanda Qyzylorda qalasynyń tusynda Shymkentten Aqtóbe qalasyna baǵyt alyp bara jatqan DAF markaly avtokóligi aýdarylyp qaldy.

Sondaı-aq Qyzylorda qalasynda kóktaıǵaq saldarynan búgin 7 jol-kólik oqıǵasy tirkeldi.