Qyzylordada kóktaıǵaq: kóshelerge qum men tuz sebildi
QYZYLORDA. KAZINFORM - Qyzylorda qalasynda 4, 5 jeltoqsan kúnderi aýa raıy qolaısyz bolyp, jol kóktaıǵaqqa aınalýy múmkin ekeni eskertildi.
Sınoptıkterdiń eskertýi dál keldi. Búgin kesh qaraıa bas shahardyń kósheleri jyltyrap shyǵa keldi. Osyǵan oraı qala ákimdigine qarasty «Qyzylorda tazalyǵy» mekemesiniń 140 qyzmetkeri men 30 tehnıkasy kóktaıǵaqtyń aldyn alý is-sharalaryna jumyldyryldy.
- Arnaıy tehnıkalar kóshelerge qum-tuz aralas qospa septi. Osyndaı qolaısyz aýa raıy kezinde oblys ortalyǵynyń turǵyndaryn jolda abaı bolýǵa shaqyramyz, - delingen ákimdik habarlamasynda.
Sondaı-aq kóktaıǵaq bolǵanda qozǵalys qıyndaýy yqtımal ekenin aıta kele, halyqty qaýipsizdik erejelerin qatań saqtaýǵa shaqyrdy.
Eske salsaq, sınoptıkter 4 jeltoqsan kúni elorda men 14 óńirde aýa raıy buzylatynyn eskertti.