Qyzylordada qoǵamdyq kólikke soǵylǵan «GAZel» kóliginiń kabınasy janyp ketti
QYZYLORDA. KAZINFORM - Qyzylorda qalasynda búgin, 31 qańtarda qoǵamdyq kólikke soǵylǵan «GAZel» kóliginiń kabınasy tolyǵymen janyp ketti.
Búgin, 31 qańtarda saǵat 13:48-de 112 qutqarý qyzmetine Qyzylorda qalasyndaǵy Buharbaı batyr jáne Jalańtós Bahadúr kósheleriniń qıylysynda «GAZel» markaly avtokóliginiń aldyńǵy bóligi janyp jatqany jóninde habarlama túsken.
«Atalǵan shaqyrtý boıynsha Órt sóndirý qyzmetinen 9 qyzmetker, 2 tehnıka jumyldyryldy. Oqıǵa ornyna jetken órt sóndirýshiler barlaý jumystaryn júrgizdi. Júk tıelgen «GAZel» markaly avtokóligi 17 baǵdarly qoǵamdyq kólikke soqtyǵysqan. Saldarynan «GAZel» markaly kóliginiń qozǵaltqysh bóligi jáne kabınasy tolyq janǵan. Órt 13:58-de tolyq sóndirildi. «GAZel» kóliginiń basynan zaqym alǵan júrgizýshisi jedel járdem qyzmetkerlerine tabystaldy. Al qoǵamdyq kólik ishinde bolǵan jolaýshylardyń eshqaısysynyń densaýlyǵyna zııan kelgen joq», - dep málim etti Qyzylorda oblysy Tótenshe jaǵdaılar departamenti «Órt sóndirý jáne avarııalyq qutqarý jumystary qyzmetiniń» baspasóz-hatshysy Álııa Erejepova.
Eske salsaq, budan buryn Qyzylordada darııaǵa batyp bara jatqan jasóspirimder qutqaryldy.
