Qyzylordada kóbeıtilgen áleýmettik tólemdi qansha adam alady
QYZYLORDA. KAZINFORM – Úkimet qaýlysy negizinde memlekettik áleýmettik járdemaqymen birge Memlekettik áleýmettik saqtandyrý qorynyń uzaq merzimdi tólemderi de jyl saıyn kóbeıedi. 2026 jyldyń 1 qańtarynan bastap eńbekke qabilettiliginen jáne asyraýshysynan aıyrylý jaǵdaılaryna taǵaıyndalatyn áleýmettik tólemder 10%-ǵa artady.
Qordyń Qyzylorda oblysy boıynsha fılıaly usynǵan málimetke qaraǵanda óńirde eńbekke qabilettiliginen aıyrylǵan 3293 adam, asyraýshysynan aıyrylǵan 2 833 otbasy bar. Olar endi kóbeıgen kólemde tólem alady.
– Jumys isteıtin azamattar alatyn tólemderdiń jıyntyq mólsheri jumys istemeıtin azamattarǵa qaraǵanda kóbirek bolady. Bala bir jarym jasqa tolǵanǵa deıin onyń kútimine baılanysty aı saıyn áleýmettik kómek beriledi. 2026 jylǵy 1 qańtardan bastap osy tólem 5 806 alýshy úshin arttyrylady. Áleýmettik tólemderdi qaıta esepteý úshin qosymsha qujattar jınaýdyń qajeti joq, ol avtomattandyrylǵan rejımde júrgizildi, - dedi qor fılıalynyń dırektory Gúlsim Deneeva.
Jyl basynan beri mindetti áleýmettik saqtandyrýmen 223 myń turǵyn qamtylǵan. Olar úshin qorǵa 22 mlrd teńge tólengen. 62,6 myń adam 34,9 mlrd teńge kóleminde áleýmettik tólem alǵan.
Eske salsaq, Qyzylorda oblysynda jyl basynan beri memleket kómegin negizsiz alǵandar sany 33,1%-ǵa tómendedi.