Qyzylordada qyzmettik ıtterdiń kómegimen 83 qylmys ashyldy
QYZYLORDA. KAZINFORM — Qyzylorda oblystyq polıtsııa departamentiniń kınologııa ortalyǵynda 19 qyzmettik izdestirý ıti bar. Olardyń qyzmettegi baǵyty ártúrli.
Departamenttiń baspasóz qyzmeti habarlaǵandaı, biri esirtkini, biri jarylǵysh zatty izdeýge beıimdelse, endi biri — kınologtardyń iz kesýdegi, taǵy bir toby odorologııa jáne shabýyldaý salasyndaǵy kómekshileri.
— Itterdiń kómegimen jyl basynan beri 83 qylmys ashyldy. Olar — negizinen esirtkimen baılanysty, urlyq jáne taǵy basqa qylmystar. Krımınaldyq polıtsııa salasynda 21 qylmys anyqtalsa, sonyń basym bóligi — bóten múlik urlyǵy. Qyzmettik ıtter esirtkiniń zańsyz aınalymyna qarsy 565 ret qoldanylyp, nátıjesinde 36 qylmystyq quqyqbuzýshylyq áshkerelendi. 1 keliden astam esirtki zańsyz aınalymnan alyndy. Odorologııalyq irikteý salasynda 10 ret qoldanylyp, teń jartysynda eńbek nátıjeli boldy, — delingen habarlamada.
QR ІІM kınologııalyq ortalyǵynda daıarlyq kýrsynan ótken kınologtar qalaaralyq baǵytta qatynaıtyn avtobýstar qoımasyn, áýejaı, «Qazposhta» jáne avtovokzal ǵımarattaryn tekserý barysynda da qyzmettik ıtterdiń kómegine júginedi.
Buǵan deıin Kazinform tilshisine Aqtóbe oblystyq polıtsııa deparatamentiniń kınolog-ınspektory Mahambet Abdýalıev ıtke qoıylatyn talap pen onyń polıtsııa qyzmetindegi jumysy týraly aıtyp berdi.