Qyzylordada kezinde Mustafa Shoqaı bilim alǵan ýchılışe ornalasqan ǵımarat bar
QYZYLORDA. KAZINFORM - Qyzylorda qalasynda 1878 jyly kúıdirilgen kirpishten salynǵan ǵımarat áli kúnge deıin halyqqa qyzmet kórsetip keledi. Kezinde atalǵan ǵımaratta ornalasqan Perovsk ýchılışesinde qazaqtyń belgili tulǵasy Mustafa Shoqaı 1899-1902 jyldary aralyǵynda bilim alǵan.
Bul ǵımarat ınjener, general Brıýnonyń jobasy boıynsha negizi qalanǵan. Atalǵan oryn 1878 jyly áskerılerdiń balalaryna arnalǵan ýchılışe retinde salynǵan. Shirkeý janyndaǵy baraktarda ofıtserler men soldattardyń otbasy turǵan. Sondyqtan oqý orny jaqyn jerge, ıaǵnı shirkeýge qarama-qarsy qonys tepken. Odan keıingi jyldarda qyzdar prıhod ýchılışe, aýdarmashylyqqa daıyndaıtyn túzemdik mektep bolǵan.
Keıinnen munda Perovsk orys-qazaq ýchılışesi, 1925-1929 jyldary Qyzylorda astana bolǵan jyldary eń alǵash respýblıkadaǵy baspahana osy ǵımaratta ornalasqan. ıAǵnı, onda «Eńbekshi Qazaq» («Egemen Qazaqstan») jáne «Sovetskaıa step» («Kazahstanskaıa pravda») gazetteri ornalasty. Keıingi jyldary bul ǵımaratta aıaq kıim fabrıkasy ornalasqan.
Al toqsanynshy jyldary jekeshelendirý ýaqytynda jekemenshik qolǵa ótip, saýda dúkenine aınaldy. Qazirgi ýaqytta ǵımarat memleket qorǵaýyna alynǵan jergilikti mańyzy bar tarıh jáne mádenıet eskertkishi bolyp tabylady. Sonymen qatar, ǵımarat qabyrǵasyna 2017 jyly «Mustafa Shoqaı 1899-1902 jyldary aralyǵynda osy Perovsk ýchılışesi ǵımaratynda oqydy» delingen taqta ornatyldy.
Ǵımarat Qyzylorda qalasynyń qurylýyndaǵy eń alǵashqy sáýlet óneriniń úlgisi bolyp tabylady. Іrgetasy beton. Tóbesi shatyrlanǵan. Ǵımarat qasbeti oıý-órnekten órilgen. Aldyńǵy qasbetiniń ortalyq bóliginde «1878 g» degen jazý bar. Bir qabatty kúıdirilgen kirpishten salynǵan ǵımarat jospary boıynsha formasy «G» túrdes. Edeni betonnan jáne plıtadan.
