Qyzylordada kene shaqqan 11 adam dáriger kómegine júgindi

QYZYLORDA. KAZINFORM — 9 sáýirde Qyzylordada kenege qarsy zalalsyzdandyrý sharasy bastalady. 

Қызылордада кене шаққан 11 адам дәрігер көмегіне жүгінді
Фото: pixabay

Bul — asa qaýipti Kongo-Qyrym gemorragııalyq qyzbasynyń aldyn alý baǵytyndaǵy tıimdi sharalardyń biri. Jergilikti bıýdjet qarjysy esebinen qolaısyz aýmaqtar eki kezeń boıynsha zalalsyzdandyrylady. Ótken jyly óńirde mundaı eldi mekender sany 115 bolsa, bıyl 111-ge azaıdy. Jumys áýeli ońtústik aımaqtar — Shıeli, Jańaqorǵan aýdandarynda júrgiziledi.

— Qora-aýla tazalyǵyn qatań saqtaý keregin turǵyndar nazaryna salamyz. Sebebi aýrý tasymaldaýshy ıksodty keneler qı-kóńniń astynda qoreksiz jyldap tirshilik ete beredi. Analyq keneler úshin qora men aýla — jumyrtqa tastaýǵa óte qolaıly oryn, — dedi Qyzylorda oblysynyń sanıtarlyq-epıdemıologııalyq baqylaý departamenti basshysynyń orynbasary Álııa Ábdiqaıymova.

Jyl basynan beri oblysta 11 adamdy kene shaǵyp, medıtsınalyq kómekke júgingen.

Al jýyrda Túrkistan oblysynda kenege qarsy zalalsyzdandyrý jumystary bastaldy.

Сейчас читают