Qyzylordada kene oshaǵy esebindegi 111 eldi meken zalalsyzdandyryldy
QYZYLORDA. KAZINFORM — Qyzylorda oblysynyń jumyldyrý daıyndyǵy, aýmaqtyq jáne azamattyq qorǵanys basqarmasy ótken jylǵy jumysyn qorytyndylady.
Vedomstvo taratqan málimetke súıensek, oblys aýmaǵynda jyly aýa raıynyń qalyptasýyna baılanysty kóktemgi sý tasqyny kezeńi shyǵynsyz ótti.
— Sý basý qaýpi bar aımaqtarǵa arnaıy tehnıka, kúsh-quraldary bar jaýapty mekemeler bekitildi. Sý tasqynyna qarsy materıaldyq-tehnıkalyq qor qajetti kólemde jınalyp, yqtımal sý tasqyny kezeńinde halyqty kóshirý pýnktteri daıyndyqqa keltirildi, — dedi basqarma basshysy Marat Qurmanbaev.
Basqarma jumysyndaǵy taǵy bir baǵyt — kenemen kúres. Bul jándik kongo-qyrym gemorragııalyq qyzbasynyń qozdyrǵyshy ekeni belgili. Ótken jyly 111 eldi meken kene oshaǵy esebinde tizimge engen. Ondaǵy mal jáne qora, sýat-shańlaqtar kóktem men kúzde zalasyzdandyryldy.
— 2021-2025 jyldar aralyǵynda 124 eldi mekende biryńǵaı basqarý pýlti bar 167 sırenalyq-sóıleý qurylǵysyn jáne 1 tsıfrlyq telearnalarǵa qosylý qurylǵysyn ornatý jumysy júrgizildi. Bul is-sharalar Qyzylorda oblysynyń basqarý organdary men halyqty keshendi qulaqtandyrý júıesin qurý jobasy aıasynda atqaryldy, — dedi basqarma basshysy.
Buǵan deıin biz Qyzylorda oblysynda kenege qarsy zalalsyzdandyrýdyń kúzgi maýsymy aıaqtalǵanyn jazǵan edik.