Qyzylordada kedendik tekserý nátıjesinde 2,5 mln teńge qosymsha tólem óndirildi
QYZYLORDA. KAZINFORM – Keden – memlekettik kirister salasynyń negizgi baǵyttarynyń biri. Qyzylorda oblysynda 377 syrtqy ekonomıkalyq qyzmetke qatysýshy tirkelgen. Olar bıyl 9 aıda 2792 taýarǵa deklaratsııa rásimdegen.
Táýekelderdi basqarý júıesindegi usynystarǵa sáıkes 78 kedendik tekserý júrgizildi.
– Tekserý nátıjesinde 51 quqyqbuzýshylyq anyqtalyp, nátıjesinde 2,5 mln teńge mólsherinde qosymsha kedendik tólem eseptelip, óndirildi. Sonymen qatar 27 kedendik tekserý aıaqtalyp, 173 mln teńge mólsherinde kedendik tólem men salyq esepteldi. Onyń 141 mln teńgesi óndirildi, – dedi oblystyq memlekettik kirister departamentiniń basshysy Asqar Elemanov.
Mamandar 2023-2025 jyldar aralyǵyndaǵy salyqtyq eseptilikke taldaý júrgizgen.
– 3075 habarlama joldanyp, kameraldyq baqylaý barysynda quqyqbuzýshylyq somasy 53 603,3 mln teńge boldy. Qosymsha kiris kózderin qamtamasyz etý boıynsha jyl basynan beri 6 680,2 mln teńge salyq jáne tólem esepteldi. Onyń 53,4%-y nemese 3567,2 mln teńge óndirildi, – dedi departament basshysy.
Buǵan deıin Qazaqstan Respýblıkasy Qarjy mınıstrliginiń Memlekettik kirister komıteti 2025 jyldyń II jartyjyldyǵy boıynsha ońaılatylǵan deklaratsııa negizindegi arnaýly salyq rejımin qoldanatyn salyq tóleýshilerge kameraldyq baqylaý nátıjeleri týraly habarlady.
