Qyzylordada Qazavıaqutqarý ushaǵy jańa týǵan nárestege kómekke keldi
QYZYLORDA. KAZINFORM — 1 qańtar kúni kúndiz Tótenshe jaǵdaılar mınıstrliginiń Qazavıaqutqarý tikushaǵy jedel medıtsınalyq kómekke muqtaj nárestege kómektesý úshin shuǵyl shaqyrý boıynsha ushty. Bul týraly mınıstrliktiń baspasóz qyzmeti habarlady.
Sábı jedel túrde Qyzylorda oblysynyń Jańaqorǵan aýdanynan Qyzylorda qalasyna jetkizildi.
— Bortta ekıpajben birge medıtsına mamandary boldy. Olar ushý kezinde balanyń jaǵdaıyn baqylap otyrdy. Ushqyshtardyń jáne dárigerlerdiń úılesimdi jumysynyń arqasynda ushý sátti ótti. Jańa týǵan náreste medıtsınalyq mekemege jetkizilip, dárigerlerdiń baqylaýyna berildi, — delingen habarlamada.
Eske salsaq, buǵan deıin QR TJM Qazavıaqutqarý áýe kemesi Qyzylorda oblysy, Qarmaqshy aýdany, Tóretam eldi mekeniniń 1989 jyly týǵan turǵyny shuǵyl tasymaldady.