Qyzylordada «Qazaqstan ulttyq ýrban forýmy-2025» halyqaralyq forýmy bastaldy
QYZYLORDA. KAZINFORM — «Qazaqstan ulttyq ýrban forýmy — 2025» jıyny — qalalardyń bolashaǵyn jobalaıtyndar úshin basty oqıǵa. Іs-sharany Qyzylorda oblysynyń ákimdigi UN-Habitat jáne basqa da birqatar seriktestiń qoldaýymen uıymdastyrdy.
Forým jumysyna oblys ákimi Nurlybek Nálibaev, Ekologııa jáne tabıǵı resýrstar mınıstri Erlan Nysanbaev, Syrtqy ister mınıstriniń birinshi orynbasary Aqan Rahmetýllın, Ónerkásip jáne qurylys mınıstrliginiń ókilderi, Parlament Senaty men Májilisiniń depýtattary, sondaı-aq BUU-nyń Qazaqstandaǵy turaqty úılestirýshisi Sarango Radnaragcha, BUU Habıtat uıymy, BUU Qazaqstandaǵy ókilderi, elimizdiń barlyq óńir ákimdikteriniń ókilderi qatysty.
Jıynnyń alǵysózinde Qyzylorda oblysynyń ákimi Nurlybek Nálibaev bul forým eldegi ýrbanıstıka salasyn jańa deńgeıge kóterýge baǵyttalǵan tarıhı bastama ekenin atap ótti.
— Prezıdentimiz Qasym-Jomart Kemeluly «Qazaqstan ornyqty ýrbanızatsııa úrdisimen kele jatyr. Turǵyn sany mıllıonnan asatyn qalalar elimizdiń jahandyq básekelik qabiletiniń tiregi, al oblys ortalyqtary óz óńirleri ósiminiń ózegi bolýǵa tıis» degen bolatyn. Búgingi ýrbanızatsııa dáýirinde qalalardy turaqty damytýda ekologııalyq tepe-teńdikti saqtaý, turǵyndardyń ómir súrý sapasyn arttyrý — basty mindetterdiń biri. Qyzylorda — dástúrli agrarly aımaq. Qyzylorda megapolıs bolmaǵanymen, qarqyndy ýrbanızatsııa jolyna túsken, óz deńgeıinde qalalyq ınfraqurylym men ómir súrý sapasyn arttyrý, ekonomıkany ártaraptandyrý baǵytynda naqty qadam jasap keledi. Qalalyq halyqtyń úlesi ósip, oblys turǵyndarynyń shamamen 50%-ǵa jýyǵy oblys ortalyǵynda turady. Biz ýrbanızatsııany jaı ǵana qurylys emes, adamǵa baǵyttalǵan qaýipsiz, taza, ınklıýzıvti, qoljetimdi ári zııatker, ekologııalyq qalalar qurý úderisi retinde qabyldaımyz, — dedi aımaq basshysy.
«Qazaqstan ulttyq ýrban forýmy — 2025» jıyny — qalalardyń bolashaǵyn jobalaıtyndar úshin basty oqıǵa. Іs-sharany Qyzylorda oblysynyń ákimdigi UN-Habitat jáne basqa da birqatar seriktestiń qoldaýymen uıymdastyrdy.
— Bul — jaı ǵana oqıǵa emes, jańa dástúrdiń bastaýy. Qazaqstan UN-Habitat aıasyndaǵy jahandyq qozǵalysqa qosyldy, munda árbir sóz naqty ózgerister qadamy. Biz ýrbanıstik bolashaq týraly aıtyp otyrmyz jáne ony dál qazir, osy jerde quryp jatyrmyz, — dep atap ótti uıymdastyrýshylar.
Qyzylorda oblysynyń ákimi atap ótkendeı, halyqaralyq forým — óńirler, sarapshylar men memleket arasynda turaqty dıalog qurý úshin Qazaqstannyń resmı tuǵyrnamasy.
Forýmnyń mıssııasy — ýrbanıstıkany talqylaý ǵana emes, jańa sheshimder júıesin qurý. Ol úsh deńgeıdi qamtıdy: álemdik (UN-Habitat aıasyndaǵy jahandyq forýmdarǵa qatysý), aımaqtyq (basqa eldermen tájirıbe almasý), ulttyq (el aýmaǵyndaǵy qalalar men qaýymdastyqtar arasyndaǵy dıalog).
Basty taqyryp — «Óńirlerden bastaý alatyn keshendi qalalyq qaıta qurý: Qazaqstandaǵy teńgerimdi, ınklıýzıvti jáne klımattyq ózgeristerge tózimdi qalalardy qalyptastyrý».
Forýmǵa qatysýshylar jańa qalalyq kún tártibine (New Urban Agenda) jáne ornyqty damý maqsattaryna sáıkes qalanyń ınklıýzıvti jáne teńgerimdi damýyn ilgeriletý baǵdarlaryn, qalalar men aýyldar arasyndaǵy baılanysty, klımattyq beıimdilikti, oǵan jastardyń qatysýyn, sondaı-aq basqarýdaǵy tsıfrlyq tásilderdi talqylap jatyr.
Buǵan deıin biz 8 shildede alǵash ret Qyzylorda qalasynda Qazaqstan Qazaqstan ulttyq ýrban forýmy ótetinin habarlaǵanbyz.