Qyzylordada qaýipti manevr jasaǵan kortej qatysýshylaryna 15 ákimshilik is qozǵaldy
QYZYLORDA. KAZINFORM — Qyzylorda oblysynyń Jańaqorǵan aýdanynda jol qozǵalysy erejelerin óreskel buzyp, qaýipti manevr jasaǵan kortej qatysýshylary anyqtaldy.
Oqıǵa 13 qazan kúni bolǵan.
— Quqyqbuzýshylyq jedel basqarý ortalyǵynyń beınebaqylaý kameralaryna túsip qalǵan. Barlyq qatysýshy anyqtalyp, polıtsııaǵa jetkizildi. Olar — 19-21 jas aralyǵyndaǵy oblys turǵyndary. Jaýapkershilikke tartylǵandardyń arasynda 4 júrgizýshi jáne 3 jolaýshy bar. Barlyǵy zańda belgilengen tártippen jazalandy, — dep málimdedi oblystyq polıtsııa departamenti.
Quqyq buzýshylarǵa qatysty 15 ákimshilik is qozǵaldy. Atap aıtqanda, usaq buzaqylyq jasaý, jolaýshylardy kólik quralynyń kabınasynan tys tasymaldaý, avarııalyq jaǵdaı týǵyzý, qaýipti manevr jasaý derekteri boıynsha jaýapkershilik kórildi.
— Sot sheshimimen júrgizýshilerge ákimshilik aıyppul salyndy. Úsh avtokólik arnaıy turaqqa qoıyldy. Barlyq qatysýshyǵa mundaı áreketterge jol bermeý týraly resmı eskertý berildi, — delingen habarlamada.
Sondaı-aq jaqynda Qaraǵandyda qaýipti manevr jasap, avtoturaqta otshashý atqan toı kortejiniń qatysýshylary polıtsııa tarapynan anyqtalyp, jol erejesimen qoǵamdyq tártipti buzǵany úshin jaýapqa tartyldy.
