Qyzylordada qarjy pıramıdasyn qurǵan azamatsha 5 jylǵa sottaldy
QYZYLORDA. KAZINFORM - Qyzylordada qarjy pıramıdasyn qurǵan azamatsha 5 jylǵa sottaldy.
Qyzylordalyq 34 jastaǵy áıel tutyný kooperatıvin quryp, azamattarǵa paıyzsyz baspana jáne avtokólik alýǵa shaqyryp, salymshylardan aqsha jınaǵan. Nátıjesinde 11 salymshy 17,6 mıllıon teńgesinen aıyrylǵan.
«Sot ony QR Qylmystyq kodeksiniń 217-babymen (qarjylyq pıramıdany qurý) kináli dep tanyp, múlkin tárkileýmen qatar, bes jylǵa bas bostandyǵynan aıyrdy. Jábirshilenýshilerge keltirilgen shyǵyn óteldi», - dep málim etti Qyzylorda oblysy boıynsha ekonomıkalyq tergep-tekserý departamentinen.
Eske salsaq, budan buryn Qyzylorda oblysynda «Qarasora-2024» keń aýqymdy jedel aldyn alý is-sharasy barysynda 207 esirtki quqyq buzýshylyǵy anyqtaldy.
Esirtkisi bar ósimdikterdi ósirý derekterin anyqtaýǵa, jasyryn egistikter jáne plantatsııalardy joıýǵa baǵyttalǵan is-shara barysynda 207 esirtki quqyq buzýshylyǵy anyqtalǵan.
