Qyzylordada káriz qudyǵyna qulap ketken balanyń máıiti syrtqa shyǵaryldy

Qyzylorda qalasynda abaısyzda qalalyq káriz qudyǵyna qulap ketken segiz jastaǵy balanyń máıiti syrtqa shyǵaryldy, dep habarlaıdy Kazinform.

Búgin, 25 qarashada saǵat 13.24-te Qyzylorda oblysy Tótenshe jaǵdaılar departamenti Daǵdarys jaǵdaılarynda basqarý basqarmasyna habarlama kelip tústi.

«Onda oblys ortalyǵyndaǵy Balqy bazar kóshesi boıynda ornalasqan №5 emhananyń janynda jasóspirim abaısyzda qalalyq káriz qudyǵyna túsip ketkeni aıtylǵan. Saǵat 18:00-de qutqarýshylar kúshimen 2015 jylǵy balanyń máıiti káriz qudyǵynan tabylyp, syrtqa shyǵaryldy. Oqıǵa ornynda departamenttiń 18 qyzmetkeri 5tehnıkamen jumys jasady. Sondaı-aq, apattar medıtsınasy ortalyǵynyń fılıaly, Polıtsııa departamenti, «Qyzylorda sý júıesi», jergilikti atqarýshy organ mamandary qyzmetin atqardy», - dep málim etti Qyzylorda oblystyq Tótenshe jaǵdaılar departamentinen.

Eske salsaq, budan buryn Qyzylorda turǵyny polıtsııaǵa habarlasyp, burynǵy jumys ornynda bomba bar ekenin aıtqan.