Qyzylordada káriz qubyrlaryn tazalaý kezinde qaza bolǵan jumysshylar isi qaıta qaralady
ASTANA. KAZINFORM - Kassatsııalyq sot Qyzylorda oblysynda káriz qubyrlaryn tazalaý kezinde eki jumysshynyń ýly gazdan qaza bolýyna qatysty qylmystyq is boıynsha prokýrordyń narazylyǵyn qanaǵattandyrdy, dep habarlaıdy QR Bas prokýratýrasynyń baspasóz qyzmeti.
Sot burynǵy memlekettik qazynalyq kásiporyn (MQK) dırektory men sheberge qatysty úkimdi azamattyq talap bóliginde joıyp, isti osy bóliginde basqa quramdaǵy sottyń qaraýyna joldady.
Buǵan deıin sot olardy QR Qylmystyq kodeksiniń 156-babynyń 4-bóligi boıynsha sottap, zardap shekkenderdiń paıdasyna materıaldyq jáne moraldyq shyǵyndardy óndirip alý týraly sheshim shyǵarǵan.
Bas prokýratýraǵa zardap shekkenderdiń ókilinen sottalǵandardyń shyǵyndy tólemeı jatqany týraly ótinish túsken.
Іsti zerdeleý barysynda prokýratýra eńbek ınspektsııasynyń qorytyndysyn anyqtady. Oǵan sáıkes, jumysshylardyń kinási 0%, al jumys berýshiniń, ıaǵnı zańdy tulǵanyń kinási 100% bolǵan.
Azamattyq kodekstiń normalaryna jáne Joǵarǵy Sottyń normatıvtik qaýlysyndaǵy túsindirmelerge sáıkes, qorshaǵan orta úshin joǵary qaýiptiligi bar áreketpen aınalysatyn kásiporyndar osy qaýip kózinen kelgen zııandy óteýge mindetti.
Osyǵan baılanysty Bas prokýratýra joǵary qaýiptilik kózinen kelgen zııan úshin jaýapkershilik qyzmetkerlerde emes, kásiporynda bolýy tıis ekenin atap ótti.
Osy ustanymǵa baılanysty prokýratýra MKK-ny azamattyq jaýapker retinde tartý úshin sot aktilerin azamattyq talap bóliginde joıý týraly kassatsııalyq narazylyq engizdi.
Kassatsııalyq sot prokýrordyń narazylyǵyn qanaǵattandyrdy. Úkimniń azamattyq talap bóligin kúshin joıyp, qylmystyq isti osy bóliginde qaraý úshin isti basqa quramdaǵy sotqa joldady.
Osyǵan deıin Pavlodar sotynyń banktiń jetim azamatqa memlekettik qoldaýdy toqtatýyn zańsyz dep tanydy.
