Qyzylordada qandaı quqyqbuzýshylyqtar jıi tirkelgeni belgili boldy
QYZYLORDA. KAZINFORM — Qyzylorda oblysynda apta kólemindegi reıd nátıjesinde 5 myńnan astam quqyqbuzýshylyqtyń joly kesildi.
Oblystyq polıtsııa departamenti onyń basym bóligi, ıaǵnı 1107-si belgilengen qozǵalys jyldamdyǵyn asyrý, 694-i jol qozǵalysyna qatysýshylardyń qaýipsizdigi talaptaryn saqtamaý derekteri ekenin atap ótti.
— Manevr jasaý qaǵıdalaryn buzýdyń 265, kólik quralyn masań kúıde basqarýdyń 20, jol qıylystarynan ótý qaǵıdalaryn buzýdyń 167 jaǵdaıy anyqtaldy. Sondaı-aq kólik quralyn basqarýǵa qajet qujaty joq nemese basqarý quqyǵyna qatysty talaptardy buzǵan júrgizýshilerge baılanysty 228 derek esepke alyndy, — delingen habarlamada.
Tártip saqshylary tazalyq talaptaryn buzýdyń 270 deregine tosqaýyl qoıdy. Onyń 30-y boıynsha Ákimshilik quqyq buzýshylyq týraly kodekstiń 434-babynyń 2-bóligimen, qalǵanyna qatysty kodekstiń 505-babymen 240 hattama rásimdeldi.
Aıta keteıik, Jambyl oblysynda polıtsııa qyzmetkerleri «Zań men tártip» qaǵıdaty boıynsha «Taza Qazaqstan» aktsııasy aıasynda jyl basynan beri 391 quqyqbuzýshylyqtyń jolyn kesti.
