Qyzylordada kanaldan denesi tabylǵan qyzdyń ólimine kúdikti ustaldy
QYZYLORDA. KAZINFORM — Qyzylorda oblysynyń Shıeli aýdanynda denesi kanal sýynan tabylǵan qyz balanyń ólimine kúdikti ustaldy.
Oblystyq polıtsııa departamenti habarlaǵandaı, ol sol aýdannyń turǵyny bolyp shyqty.
— Kúdikti ustalyp, sot sanktsııasymen qamaýǵa alyndy. Qazirgi ýaqytta oqıǵanyń barlyq mán-jaıyn anyqtaýǵa baǵyttalǵan jedel tergeý is-sharalary júrgizilip jatyr. Tergeý múddesine baılanysty sotqa deıingi tergep-tekserý derekteri jarııa etilmeıdi, — dedi departamenttiń tergeý basqarmasy bastyǵynyń mindetin atqarýshy Asylbek Bekseıitov.
Buǵan deıin jazǵanymyzdaı, 3 maýsym kúni Shıeli aýdanynyń turǵyny polıtsııaǵa kanal shlıýzinen qyzdyń denesi tabylǵany týraly habarlaǵan. Atalǵan derek boıynsha adam óltirý deregi negizinde qylmystyq is qozǵaldy. Týystary qyzdyń 2 maýsym kúni keshki ýaqytta úıinen shyǵyp ketip, qaıta oralmaǵanyn aıtqan.
Tergeý barysy oblystyq polıtsııa departamenti basshylyǵynyń erekshe baqylaýynda.
