Qyzylordada kanaldan belgisiz jaǵdaıda qaza bolǵan 50 jastaǵy adamnyń máıiti shyǵaryldy

QYZYLORDA. KAZINFORM - Qyzylorda qalasyndaǵy kanaldan belgisiz jaǵdaıda qaza bolǵan 50 jastaǵy adamnyń jansyz denesi tabyldy.

Oqıǵa Qyzylorda qalasyna qarasty «Báıterek» shaǵyn aýdany mańyndaǵy «Ardaq» sýarý kanalynda bolǵan. «Oblystyq tótenshe jaǵdaılar departamenti Jedel qutqarý jasaǵynyń kúshimen kanaldan belgisiz jaǵdaıda qaza bolǵan 1973 jyly týǵan adamnyń máıiti shyǵaryldy. Oqıǵa ornynda 5 qutqarýshy 1 tehnıka,1 qaıyqpen jumys istedi. Sýarý kanalynyń eni 10 metr bolsa, tereńdigi – 1 metr», - dep málim etti Qyzylorda oblystyq Tótenshe jaǵdaılar departamentinen.

Oblystyq Tótenshe jaǵdaılar departamenti Jedel qutqarý jasaǵynyń basshysy Baqyt Embergenovtiń aıtýynsha, oblys sý aıdyndarynda 4 adam qaza tapqan. Olardyń 1-eýi eresek bolsa, qalǵany balalar.