Qyzylordada kanal bógetin jyryp, qubyr ornatqandarǵa aıyppul salyndy

QYZYLORDA. KAZINFORM — Sý resýrstaryn retteý, qorǵaý jáne paıdalaný jónindegi Aral-Syrdarııa basseındik ınspektsııasynyń ókilderi Qyzylorda oblysynda sý sharýashylyǵy qurylysyn búldirý deregi boıynsha 4 tulǵaǵa ákimshilik is qozǵady.

Oǵan Aral aýdandyq prokýratýrasy men «Arna» KMM-niń zańbuzýshylyq týraly joldaǵan materıaly túrtki bolǵan. Ákimshilik is nátıjesinde zań buzǵandarǵa 786,5 myń teńgege jýyq aıyppul salyndy. 

— «Arna» kásipornynyń málimetinshe, menshik ıesiniń kelisiminsiz «Basyqara» kanalynan bastalatyn «Meńdibaı» kanalynyń bógetin jyryp, dıametri 200 mm bolatyn qubyr ornatylǵan. Sý sharýashylyǵy, gıdrotehnıka qurylysjaılaryn, qurylǵylaryn, alynǵan jáne aǵyp ketken sý kólemin ólsheý quraldaryn, sýmen jabdyqtaýdyń órtke qarsy júıelerin búldirý ákimshilik jaýaptylyqqa ákep soǵady. Jańa Sý kodeksine sáıkes basseındik ınspektsııalar qadaǵalaý jáne jedel áreket etý sharalaryn qabyldaý quqyǵyna ıe boldy.  Sonymen qatar Ákimshilik kodekste sý zańnamasyn buzǵandardy jazalaý sharasy kúsheıdi, aıyppul kólemi ósti, — delingen ınspektsııa habarlamasynda. 

Buǵan deıin biz Sý resýrstary jáne ırrıgatsııa mınıstrliginiń «Qazsýshar» mekemesi 29 gıdrotehnıkalyq nysanǵa kópfaktorly zertteý júrgizip, 42 nysan boıynsha qaýipsizdik deklaratsııalaryn ázirlep jatqanyn habarlaǵan edik.