Qyzylordada kámeletke tolmaǵan balasyna róldi bergen anaǵa aıyppul salyndy

ASTANA. KAZINFORM — Qyzylorda oblysynyń kámeletke tolmaǵandardyń isteri jónindegi mamandandyrylǵan aýdanaralyq soty kólik júrgizý quqyǵy joq kámeletke tolmaǵan balasyna róldi berip qoıǵan azamatsha K.-ge qatysty isti qarady.

Ákimshilik hattamaǵa sáıkes, azamatsha K.-nyń jasóspirim uly Qyzylorda qalasynda avtokólik júrgizgen. Onyń kólik basqarýǵa quqyǵy joq bolǵanyna qaramastan, anasy balasynyń bul áreketine tosqaýyl qoımaǵan.

— Sot bul jaǵdaıdy ata-ananyń kámeletke tolmaǵan balany tárbıeleý jónindegi mindetin oryndamaýy dep baǵalap, Qazaqstan Respýblıkasynyń ÁQBtK-niń 127-baby 3-bóligi boıynsha azamatsha K.-ny kináli dep tanydy. Sot qaýlysymen oǵan 55 048 teńge kóleminde aıyppul salyndy, — delingen sot taratqan aqparatta.

Budan buryn Pavlodar oblysy ákiminiń ápkesi mas kúıinde kólik júrgizgeni úshin jazalanǵanyn jazǵan edik.