Qyzylordada ıisshil ıtterdiń kómegimen 139 qylmys ashyldy

QYZYLORDA. KAZINFORM — Jyl basynan beri Qyzylorda oblysynda qyzmettik izdestirý ıtteri 139 qylmystyń ashylýyna septigin tıgizgen. Bul týraly oblystyq polıtsııa departamentiniń baspasóz qyzmeti habarlady.

Esirtki qylmysyna qarsy jedel is-sharalar nátıjesinde 68 qylmystyq quqyqbuzýshylyq anyqtaldy. Iisshil ıtterdiń kómegimen urlyq-qarlyq jáne taǵy basqa 33 qylmysty ashý múmkin boldy. 

— Odorologııalyq zertteýlerge 28 ret qatystyrylyp, 14 dáleldi irikteý nátıjesi tirkeldi. Jarylǵysh zattardy izdeý baǵytynda 73 tekserý júrgizildi. Nátıjesinde jarylǵysh zattar anyqtalǵan joq. Sonymen qatar 1 maýsym men 30 qazan aralyǵynda «Qarasora» jedel-profılaktıkalyq is-sharasy uıymdastyryldy. Іs-shara barysynda búginge deıin qyzmettik ıtterdiń kómegimen esirtkige qatysty 15 qylmystyq quqyqbuzýshylyq anyqtaldy. 92,98 gramm marıhýana men 4,87 gramm gashısh aınalymnan alyndy, — delingen habarlamada.

Departamenttiń kınologııa qyzmeti ortalyǵynda 19 qyzmettik izdestirý ıti bar. Kınolog mamandar túgel Іshki ister mınıstrliginiń kınologııa ortalyǵynda kýrstan ótken.

Buǵan deıin biz Qarjylyq monıtorıng agenttiginiń Kınologııa ortalyǵy «Senim» medıtsınalyq-áleýmettik ortalyǵynyń balalaryna arnap kanısterapııa sabaǵyn ótkizgenin habarlaǵanbyz.