Qyzylordada ıspanııalyq «Roca Group» zaýytynyń irgetasy qalandy

Oǵan oblys ákimi Murat Ergeshbaev, «Roca Group» kompanııasynyń bas dırektory Danıel Hýrado Ernandes, Ispanııa elshiliginiń saýda-ekonomıkalyq keńesshisi Hesýs Vıdal Borrelıa, quqyq qorǵaý organdarynyń birinshi basshylary, qurylys kompanııalarynyń dırektorlary, zııaly qaýym ókilderi men el aǵalary qatysty.

«Roca Group» – júz jyldan astam tarıhy bar, santehnıkalyq jabdyqtar óndirý salasyndaǵy álemdik kóshbasshylardyń biri. Kompanııa álem boıynsha 78 óndiristik alańdy basqarady. Onda 20 myńnan astam adam eńbek etedi. Ónimderi 170-ten astam elge eksporttalady.

Rásimde oblys ákimi Memleket basshysy Qasym-Jomart Toqaevtyń ınvestıtsııa tartý jáne zamanaýı óndiristi damytý jónindegi tapsyrmasyna toqtalyp, óńirde qolaıly ınvestıtsııalyq ahýal qalyptasqanyn atap ótti.

«Memleket basshysy «Jańa ınvestıtsııalar eń aldymen elimizdegi zamanaýı ónerkásiptiń negizin qalyptastyrýǵa baǵyttalýy kerek» degen bolatyn. Keıingi jyldary óńirimizdiń ınvestıtsııalyq áleýeti artyp, iri jobalar tabysty júzege asýda.Aımaq ekonomıkasyna 2,3 trln teńgeden astam ınvestıtsııa tartyldy. Aldaǵy úsh jylda 1,9 trln teńgege 48 ınvestıtsııalyq jobany júzege asyrý josparlanýda. Nátıjesinde 10 myńnan astam jańa jumys orny ashylady.

Búgin biz elimiz úshin mańyzdy, joǵary tehnologııalyq óndiris ornynyń kapsýlasyn salý rásiminiń kýási bolyp otyrmyz. Osyndaı aýqymdy jobany Syr óńirinde júzege asyrǵany úshin ıspandyq «Roca Group» kompanııasyna rızashylyǵymdy bildiremin. Bul bastama óńir ekonomıkasyna jańa serpin berip, eksporttyq áleýetti arttyrýǵa jáne jańa jumys oryndaryn ashýǵa múmkindik beredi. Biz otandyq jáne sheteldik ınvestorlarmen árdaıym ashyq ári senimdi qarym-qatynas ornatyp, nátıjeli jumys isteýge daıynbyz, – dedi Murat Nálqojauly.

Jıynda oblys prokýrory Rızabek Ojarov pen «Roca Group» seriktestiginiń bas dırektory Danıel Hýrado Ernandes sóz sóılep, el aǵasy Ibragım Ábıbýllaev aq batasyn berdi.

Aıta ketý kerek, joba «KAZAKH INVEST» UK» AQ qoldaýymen júzege asyrylýda. Roca Group kompanııasymen yntymaqtastyq 2024 jyldyń jeltoqsan aıynda sol kezdegi aımaq basshysy Nurlybek Nálibaevtyń Ispanııaǵa jumys sapary barysynda bastaldy. Byltyr maýsym aıynda Premer-mınıstr Oljas Bektenov Roca Group dırektorlar keńesiniń tóraǵasy Santıago de Gomar Rokamen kezdesip, Qyzylorda oblysynda santehnıkalyq zaýyt salý jobasyn júzege asyrý, ınvestıtsııalyq yntymaqtastyqty odan ári nyǵaıtý perspektıvalaryn talqylaǵan bolatyn.

Kezdesýde QR Ónerkásip jáne qurylys mınıstrligi, Qyzylorda oblysynyń ákimdigi jáne Roca Group ınvestıtsııalyq jobany júzege asyrý qaǵıdattary týraly negizdemelik kelisimge qol qoıdy. Bul qujat arqyly taraptar sanıtarlyq-tehnıkalyq buıymdar shyǵaratyn zaýyt jobasyn birlesip júzege asyrýǵa nıetti ekenin resmı dáleldedi.

Qazan aıyndaǵy Syr óńirine jumys sapary barysynda Memleket basshysy Qasym-Jomart Kemelulyna tanystyrylǵan ınvestıtsııalyq jobalar qatarynda Roca Group kompanııasynyń santehnıkalyq buıymdar óndirisi de bar.

Bul – Qazaqstandaǵy ekologııalyq qaýipsizdiktiń halyqaralyq standarttaryna sáıkes keletin sanıtarlyq-tehnıkalyq ónimder shyǵaratyn alǵashqy óndiris orny.

Zaýytqa 24 gektar jer telimi bólindi, 44,1 mlrd teńge ınvestıtsııa salynady. Jyldyq óndiristik qýaty 500 myń buıymǵa deıin jetedi. Óndirilgen ónim Qazaqstannyń ishki naryǵyna jetkizilip, Ortalyq Azııa elderine eksporttalady.

Sonymen qatar 300-ge jýyq turaqty jumys orny ashylady, jergilikti mamandardy oqytý jáne olardyń biliktiligin arttyrý kózdelgen. Kompanııa jyl sońyna deıin smesıtelder men ınstallıatsııalyq júıelerdi qurastyratyn óndiris ornyn iske qosýdy josparlap otyr. Al kompanııa ónimderi usynylatyn shoýrýmdar Astana jáne Almaty qalalarynda maýsym aıynda ashylady.