Qyzylordada ınternet-alaıaqtyqtyń ashylý kórsetkishi 14 paıyzǵa artty
QYZYLORDA. KAZINFORM – Qyzylorda oblysynda ınternet-alaıaqtyq ótken jylǵydan 3,2%-ǵa tómendedi, ıaǵnı bıyl 6 aıda 211 derek tirkeldi.
Oblystyq polıtsııa departamentiniń málimetinshe, qylmystyń 50%-y ashylyp, kórsetkish salystyrmaly túrde 14%-ǵa jaqsardy. Tergep-tekserý nátıjesinde 38 kúdiktige qatysty 113 qylmystyq is sotqa joldandy.
– Qylmystyq kodekstiń 232-babynyń 1-bóliginde kózdelgen droperlerdiń is-áreketine qatysty 17 qylmystyq is tirkelip, 11 is sotqa joldandy. Ulttyq banktiń «Antıfrod» júıesine 1493 ıntsıdent engen. 5 mln teńgeden astam qarajat buǵattalǵan. Sotqa deıingi tergep-tekserý barysynda buǵattalǵan 1,2 mln teńgeden astam qarajat jábirlenýshilerdiń paıdasyna óndirildi. Qaldyqtaǵy 3,8 mln teńgeni qaıtarý boıynsha jumys júrgizilip jatyr, – dedi departament basshysynyń birinshi orynbasary Serik Toqtybaev.
Eske sala ketsek, elimizde jyl basynan beri ınternet-alaıaqtyqtyń sany 7%-ǵa azaıdy.
