Qyzylordada ınklıýzıvti balabaqshada sábıdi urýǵa qatysty qylmystyq is qozǵaldy

QYZYLORDA. KAZINFORM — Qyzylordada ınklıýzıvti balabaqshada kishkentaı balany urǵan tárbıeshi men kútýshige qatysty qylmystyq is qozǵaldy. Oǵan baılanysty qalalyq bilim bólimi tarapynan tekserý jumystary júrgizilýde.

Bul jaıynda áleýmettik jeli betterinde jarııalandy. Onda ınklıýzıvti balabaqshada tárbıeshi men kútýshi ish kıimine úlken dáretke shyǵyp qoıǵan balasyn uryp, dárethanaǵa qamap qoıǵany aıtylǵan. 

Anasynyń aıtýynsha, balaǵa arnaıy dıagnoz qoıylǵan. Múgedektikke baılanysty arnaıy qujaty bar. Sondyqtan bala kesh damyp jatyr. Balabaqshada tárbıeshi men kútýshi ish kıimine úlken dáretke shyǵyp qoıǵanyn aıtyp, ony uryp, dárethanaǵa qamap qoıǵan.

— Balam úıge kelgennen keıin jylady. Oıyn sózben aıtyp jetkize almaı qınaldy. Keıinnen balabaqashaǵa baryp, beınekamerany qaraǵanda ne bolǵanyn túsindim, — deıdi ol.

Bul jóninde Qyzylorda oblystyq polıtsııa departamenti túsinikteme berdi. 

— Kámeletke tolmaǵan adamdy tárbıeleý jónindegi mindetterdi tıisinshe oryndamaý deregine qatysty qylmystyq is qozǵaldy. Qazirgi ýaqytta qajetti tergeý áreketteri júrgizilýde. Onyń ishinde polıtsııa tárkilengen beıne materıaldardy zertteýde. Oblystyq bilim basqarmasyna tıisti usynys engizildi. ıÝvenaldy polıtsııa qyzmetkerleri aldaǵy ýaqytta mundaı jaǵdaılardyń aldyn alýǵa baǵyttalǵan profılaktıkalyq sharalardy jalǵastyrýda, — dep atap ótti departamentten.

Al qalalyq bilim bólimi atalǵan másele nazaryna alynǵanyn, tıisti jumystar júretinin jetkizdi.

Eske salsaq, budan buryn Qyzylordada esirtki zerthanasyn jasaǵan 52 jastaǵy Qyzylorda turǵyny 12 jylǵa sottaldy.