Qyzylordada «Halyq zańgeri» respýblıkalyq áleýmettik aktsııasy ótti

QYZYLORDA. KAZINFORM — Qyzylorda oblysy boıynsha «Zań men Tártip» ıdeologııasyn nasıhattaý aıasynda óńirde «Halyq Zańgeri» respýblıkalyq aktsııasy ótti. Bul týraly Bas prokýratýranyń baspasóz qyzmeti habarlady.

Aktsııanyń negizgi maqsaty — halyqtyń quqyqtyq saýattylyǵyn arttyrý, azamattarǵa tegin zańgerlik kómek kórsetý, olardyń óz quqyqtary men zań aldyndaǵy múmkindikterin bilýine jaǵdaı jasaý.

«Óńirdiń qala, aýdan jáne aýyldyq okrýgtar aımaqtarynda júzden asa bilikti mamandarmen túsindirme jumystary júrgizildi. Sonyń ishinde belgili advokattar, zańgerler, notarıýstar, prokýrorlar, tergeýshiler, sot oryndaýshylary, polıtsııa qyzmetkerleri, ákimdikterdiń, ádilet organdarynyń, salyq organdarynyń, jyljymaıtyn múlikti tirkeý bóliminiń qyzmetkerleri jáne t. b. qatysty», dep jazdy Bas prokýratýranyń baspasóz qyzmeti. 

Aktsııa barysynda turǵyndarǵa prokýratýra qyzmetkerlerimen túsindirmeli únparaqtar taratylyp, jer qatynastary, áleýmettik tólemder, eńbek daýlary, turǵyn úı, nesıelik, jergilikti sottarda qaralyp jatqan daýlar jáne otbasy máseleleri boıynsha keńes aldy.

Toǵyz júzge jýyq turǵyndar men qonaqtar óz máseleleri boıynsha keńester men quqyqtyq kómek alyp, olardyń birqatary sheshimin tapty, qalǵandary boıynsha sheshim qabyldaý jóninde naqty nusqaýlar berildi. Mundaı ıgi bastamalar qoǵamdaǵy zań ústemdigin nyǵaıtýǵa, azamattardyń bılikke degen senimin arttyrýǵa zor úles qospaq.

Eske sala keteıik, Astanada «Januıa» ortalyǵy 8 aıda 2800-den asa adamǵa zańgerlik kómek kórsetti.